Ívar Ingimarsson er nýr formaður landsliðsnefndar karla en skipað var í nefndir nýlega. Ívar, sem er fyrrum landsliðsmaður og fyrrum atvinnumaður, var kosinn nýr inn í stjórn KSÍ í febrúar og fékk flest atkvæði allra í stjórnarkjörinu.
Ívar, sem spilaði meðal annars í ensku úrvalsdeildinni, lék 30 landsleiki fyrir Ísland á árunum 1998-2007.
Ívar, sem spilaði meðal annars í ensku úrvalsdeildinni, lék 30 landsleiki fyrir Ísland á árunum 1998-2007.
Auk Ívars eru Birkir Kristinsson, Guðbjörg Fanndal Torfadóttir, Haraldur Haraldsson, Sigurður Örn Jónsson og Unnar Stefán Sigurðsson í landsliðsnefnd karla.
Borghildur Sigurðardóttir varaformaður KSÍ er áfram formaður landsliðsnefndar kvenna. Hildur Jóna Þorsteinsdóttir og Margrét Ákadóttir eru í nefndinni.
Meðal annarra breytinga á nefndaskipan KSÍ má nefna að Halldór Breiðfjörð Jóhannsson er orðinn formaður dómaranefndar sambandsins.
Athugasemdir