Leikmenn brasilíska landsliðsins sem eru búsettir í Evrópu eru tilbúnir að draga sig út úr Copa America, Suður-Ameríku bikarnum, en Covid-19 ástandið í landinu er slæmt.
Keppnin var færð til Brasilíu í síðustu viku en upphaflega áttu Argentína og Kólumbía að halda hana í sameiningu.
Keppnin var færð til Brasilíu í síðustu viku en upphaflega áttu Argentína og Kólumbía að halda hana í sameiningu.
Yfir 470 þúsund manns hafa látist vegna Covid-19 í Brasilíu og margir sérfræðingar spá því að þriðja bylgjan skelli líklega á landinu í þessum mánuði.
Roberto Firmino, Gabriel Jesus, Richarlison og fleiri leikmenn eru að velta fyrir sér hvort rétt sé að þeir taki þátt í mótinu en það á að fara af stað eftir tíu daga.
Leikmennirnir hafa beðið um fund með mótshöldurum og ætla ekki að æfa fyrr en sá fundur hefur farið fram.
Athugasemdir