Ísak Bergmann Jóhannesson var fjarrverandi vegna veikinda gegn Ísrael á fimmtudaginn þegar að íslenska A-landsliðið gerði 2-2 jafntefli í Haifa en liðið leikur við Albaníu á mánudag.
"Gríðarlega flottur leikur út í Ísrael fannst mér, óheppnir að taka ekki sigurinn en ég er bara mjög spenntur fyrir leiknum á móti Albaníu"
"Mér finnst byrjunin og endirinn eitthvað sem við getum lagað, hvernig við getum lokað leikjum og tekið sigrana en þar á milli finnst mér við spila mjög vel. Hákon flottur inn á miðjunni, Jón Dagur og Þórir gríðarlega flottir. Það er mikið sem við getum tekið úr þessum leik og fyrst og fremst reyna tengja saman góðar frammistöður, stundum spilum við vel og svo slakan leik í kjölfarið þannig að ná að tengja saman tvo góða leiki er mikilvægt fyrir okkur" Sagði Ísak í viðtali við Fótbolta.net í dag.
Jóhannes Karl Guðjónsson er aðstoðarþjálfari landsliðsins og auðvitað faðir Ísaks, hvernig er að vera með hann á æfingasvæðinu?
"Það er öðruvísi en gaman, hann er auðvitað bara pabbi minn þegar við erum upp á hóteli en úti á velli er hann bara þjálfarinn minn og ég reyni bara að læra af honum eins og ég læri af Arnari"
Íslenska liðið spilar gegn Albaníu á Laugardalsvelli mánudagskvöld klukkan 18:45, er íslenska liðið búið að kynna sér Albanska liðið?
"Við höfum ekki farið yfir þá hingað til en þeir eru og hafa verið mjög góðir síðustu ár með leikmann eins og [Armando] Broja hjá Southampton en við fókusum bara á okkur sjálfa og ætlum okkur að tengja saman tvo góða leiki, það er það sem við fókusum á núna"
Viðtalið má sjá í heild sinni hér fyrir ofan en þar talar Ísak t.d. um tímann sinn hjá FC Kaupmannahöfn.