Radamel Falcao, framherji Kolumbíu, hefur sakað bandaríska dómarann Mark Geiger um að hafa verið hlutdrægur í garða enska landsliðsins í leik liðanna í 16-liða úrslitum á HM í gær.
Kolumbía fékk sex af átta gulum spjöldum leiksins auk þess sem England skoraði úr vítaspyrnu.
Falcao vill meina að dómarinn hafi dæmt með Englendingum í leiknum. England vann leikinn í vítaspyrnukeppni.
„Mér fannst furðulegt að þeir settu bandarískan dómara í þetta verkefni," sagði Falcao.
„Í sannleika satt þá vekur það upp miklar efasemdir. Hann talaði bara ensku og það er klárt að það var einhver hlutdrægni hjá honum."
Athugasemdir