Landsliðsmaðurinn Arnór Ingvi Traustason byrjaði á bekknum í gærkvöld þegar lið hans, New England Revolution, heimsótti Columbus Crew í MLS-deildinni í Norður-Ameríku.
New England byrjaði leikinn frábærlega og var komið 2-0 yfir eftir hálftíma leik.
Columbus komst inn í leikinn rétt fyrir leikhlé með marki frá Gyasi Zardes. Staðan var 1-2 þegar flautað var til hálfleiks.
Mark Columbus kom á besta tíma og ýtti við þeim fyrir seinni hálfleikinn. Svo þegar rúmar 20 mínútur voru eftir af venjulegum leiktíma, þá jafnaði Columbus í 2-2.
Þar við sat, lokaniðurstaðan 2-2 jafntefli. Arnór Ingvi kom inn á sem varamaður á 78. mínútu og spilaði um korter fyrir New England sem er á toppnum í Austurdeild MLS-deildarinnar.
Athugasemdir