Eintracht Frankfurt og Milan eru í viðræðum um norska vængmanninn Jens Petter Hauge. Það er félagaskiptakóngurinn Fabrizio Romano sem segir frá þessu.
Hauge, sem er 21 árs gamall, var keyptur til Milan frá norsku meisturunum í Bodö/Glimt fyrir síðasta tímabil.
Hann spilaði 28 leiki, skoraði 8 mörk og lagði upp 3 í öllum keppnum með Milan en hann gæti nú verið á förum frá félaginu.
Eintracht Frankfurt er í viðræðum við Milan um kaup á Hauge en félagið er tilbúið að bjóða 8 milljónir evra í Norðmanninn.
Milan vill þó meira fyrir leikmanninn og munu viðræður halda áfram á næstu dögum.
Frankfurt er þá búið að ganga frá samningum við kólumbíska landsliðsmanninn Rafael Santos Borre en hann kemur á frjálsri sölu eftir samningur hans við River Plate rann út á dögunum.
Athugasemdir