Sögur hafa verið um að Mbappe vilji ekki skrifa undir nýjan samning en núgildandi samningur hans rennur út eftir næstu leiktíð.

Þetta er hættulegur leikur fyrir PSG; Mbappe getur farið frítt næsta sumar, hann ræður.

„Það er hann sem heldur á spilunum. Hvað geturðu gert sem PSG? Þú getur hann látið hann sitja á bekknum allt tímabilið. Paris getur gert það og þannig læturðu hann vita að hann ræður ekki," sagði Di Meco við RMC.

Mbappe er 22 ára og einn besti fótboltamaður í heimi. Það yrði dýrt fyrir PSG að missa hann á frjálsri sölu.