Valerenga og Rosenborg áttust við í toppslag í norsku úrvalsdeild kvenna í kvöld.
Ingibjörg Sigurðardóttir var í byrjunarliði Valerenga en Amanda Andradóttir byrjaði á bekknum en kom inná eftir rúman klukkutíma leik.
Ingibjörg gerði sér lítið fyrir og kom Valerenga yfir eftir hálftíma leik. Rosenborg jafnaði metin á 64. mínútu. Dejana Stefanovic fékk gullið tækifæri til að koma Valerenga yfir af vítapunktinum á 85. mínútu en hún klúðraði.
Sara Fornes tryggði Rosenborg sigur í uppbótartíma, 1-2 sigur Rosenborg staðreynd.
Rosenborg er á toppi deildarinnar með 21 stig en Valerenga með 18 stig í 3. sæti eftir 7 umferðir.
Athugasemdir