Luiz verður samningslaus á næsta ári og er Villa búið að sætta sig við að hann framlengi ekki samning sinn við félagið.

Milan er í leit að styrkingu á miðjunni eftir að Franck Kessie yfirgaf félagið um mánaðamótin og er Luiz fullkominn kostur.

Luiz, sem er 24 ára gamall, hefur mikinn áhuga á því að fara til Milan en samkvæmt Goal er félagið í viðræðum við Villa um kaup á honum.

Villa er að fara fram á 25 milljónir punda en Milan vill að félagið lækki kröfurnar þar sem hann á aðeins ár eftir af samningi.

Tilfinningin er samt sú að Luiz verði nýr leikmaður Milan áður en glugginn lokar í ágúst.