Darmian var leikmaður Manchester United í fjögur ár en náði ekki að vinna sér inn byrjunarliðssæti. Í heildina spilaði hann þó 92 leiki fyrir Rauðu djöflana.

Darmian er gríðarlega fjölhæfur og getur spilað sem miðvörður og vinstri bakvörður þó hann sé hægri bakvörður að upplagi. Hann er hugsaður sem varaskeifa hjá Inter.

Varnarmaðurinn verður 31 árs í desember og verður partur af frekar gömlu og reynslumiklu liði Inter. Þar eru varnarmenn á borð við Diego Godin, Ashley Young og Danilo D'Ambrosio sem eru allir komnir yfir þrítugsaldurinn.

Darmian á 36 leiki að baki fyrir Ítalíu en hefur ekki spilað síðan 2017.