fös 04. september 2020 10:44
Magnús Már Einarsson
Havertz fer frá þýska landsliðinu - Á leið til Chelsea
Mynd: Getty Images
Kai Havertz hefur yfirgefið herbúðir þýska landsliðsins til að fara til Englands og klára félagaskipti sín til Chelsea.

Chelsea er að kaupa Havertz frá Bayer Leverkusen. Chelsea mun greiða 71 milljón punda fyrir Havertz en 17 milljónir punda bætast síðan við í bónusgreiðslum.

Havertz var ónotaður varamaður í jafntefli Þýskalands gegn Spáni í Þjóðadeildinni í gær.

Þjóðverjar mæta Sviss á sunnudag en Havertz er hins vegar farinn frá hópnum til Englands til að klára skiptin til Chelsea.

Havertz verður því orðinn leikmaður Chelsea þegar enska úrvalsdeildin hefst eftir rúma viku.



Athugasemdir
banner
banner
banner