Engir áhorfendur verða leyfilegir á leik Íslands og Englands í Þjóðadeildinni á morgun. Flautað verður til leiks á Laugardalsvelli klukkan 16:00 en leikurinn verður í beinni útsendingu á Stöð 2 Sport.
„KSÍ hvetur fólk til klæða sig í bláa liti og horfa á leikinn í sjónvarpi í góðum félagsskap. Engir áhorfendur eru leyfðir á Laugardalsvelli, eins og knattspyrnuáhugafólk veit, og fólk því vinsamlegast beðið að leggja ekki leið sína að Laugardalsvellinum," segir á vef KSÍ í dag.
Stuðningsmannasveitin Tólfan ætlar að sýna ábyrgð með þvi að efna ekki til hittinga í kringum leikinn.
„Til að sýna samstöðu í verki í baráttunni gegn faraldri Kórónaveirunnar hefur stjórn Tólfunnar ákveðið að efna ekki til hittinga í kringum leikinn en hvetja þess í stað alla að horfa á leikinn í heimahúsi og styðja strákana okkar þaðan," segir í yfirlýsingu frá Tólfunni.
Tilkynning vegna leiks Íslands og Englands næsta laugardag!
Posted by Stuðningssveitin Tólfan on Miðvikudagur, 2. september 2020
Eins og allar Tólfur landsins vita þá verða stuðningsmenn...
Athugasemdir