New England Revolution vann Philadelphia Union í MLS deildinni í Bandaríkjunum í nótt.
Arnór Ingvi Traustason var í byrjunarliði New England. Leiknum lauk með 1-0 sigri en Arnór lagði upp markið á Matt Polster á 33. mínútu.
Arnór fékk sitt annað gula spjald og þar með rautt á 59. mínútu en hann fékk fyrra gula spjaldið aðeins fjórum mínútum áður. Þetta var önnur brottvísunin hans á tímabilinu en hann fékk rautt spjald gegn DC United þann 19. ágúst.
Leikmenn Philadelphia reyndu hvað þeir gátu að jafna en allt kom fyrir ekki. Leikmaður New England var með áhugaverða takta undir lok leiksins er hann reyndi að tefja, atvikið má sjá á myndbandi hér að neðan.
This was elite time-wasting 😂 pic.twitter.com/Rgok8KY6gG
— ESPN FC (@ESPNFC) September 4, 2021
Athugasemdir