Lestu um leikinn: Kórdrengir 1 -  4 Fjölnir

„Ég er mjög kátur með frammistöðu manna í dag. Frábær leikur af okkar hálfu þá tek ég liðið allt saman og hrósa þeim gríðarlega. Rosalega margir sem áttu góðan leik í dag, Sigurjón varði frábærlega 3-4 sinnum, vörnin stóð sig vel allan leikinn, miðjan, sóknarleikurinn, það voru allir á tánum þannig að þetta var bara frábær liðsframmistaða."

Hans Viktor Guðmundsson kom inná í hálfleik og skoraði tvö mörk en hann hefur verið mikið frá vegna meiðsla. Þá var Dofri Snorrason í byrjunarliðinu en hann hefur einnig verið mikið frá.

„Það verður að koma fram að auðvitað höfum við saknað Hans Viktors og Dofra sem að er búinn að missa af meiri hlutann af tímabilinu útaf erfiðum aftanlæris meiðslum og Hans með sín meðsli þannig að við höfum aðeins saknað þeirra og það er gaman að fá þá inn núna og vonandi náum við að sýna í þeim leikjum sem eftir eru hvað í okkur býr," sagði Ási Arnars.

Fjölnir er fjórum stigum á eftir Kórdrengjum sem sitja í 3. sæti og eiga leik til góða. Ási segir að liðið horfi bara í einn leik í einu.

„Fyrst og fremst þá er bara að horfa í hvern leik og reyna ná í eins góð úrslit og við getum og reyna enda þetta eins vel og við getum."