Kórdrengir og Fjölnir áttust við á Domusnovavellinum í dag í Lengjudeild karla.
Fjölnir vann leikinn með fjórum mörkum gegn einu þar sem Hans Viktor Guðmundsson gerði tvennu fyrir gestina.
Fjölnir vann leikinn með fjórum mörkum gegn einu þar sem Hans Viktor Guðmundsson gerði tvennu fyrir gestina.
Lestu um leikinn: Kórdrengir 1 - 4 Fjölnir
Davíð Smári Lamude, þjálfari Kórdrengja, var skiljanlega svekktur í leikslok.
„Við vorum ótrúlega slakir. Bensínlausir í þessum leik. Við áttum ekkert skilið úr þessum fyrri hálfleik sérstaklega og mér fannst kaflar í seinni hálfleiknum þar sem við vorum að koma okkur í góðar stöður en markvörðurinn þeirra á nokkrar frábærar vörslur," sagði Davíð.
Davíð var ekki sammála því þegar fréttamaður spurði hann hvort það hafi verið Sigurjóni Daða Harðarsyni, markverði Fjölni, að þakka að Kórdrengirnir hafi ekki náð í betri úrslit.
Nei, ég er svosem ekki sammála því. Með fullri virðingu fyrir Fjölni sem spilaði flottan leik í dag, þá held ég að við hefðum tapað gegn öllum liðum í deildinni eins og við byrjuðum sérstaklega fyrri hálfleikinn."
„Við ætlum að enda þetta mót með sæmd. Nú loksins fáum við viku hvíld og við höfum ekki fengið það síðan bara einhverntímann snemma í júlí eða hvað það var sko, það er bara mjög kærkomið að fá þessa hvíld og við ætlum að hlaða batterýin núna."
Nánar er rætt við Davíð í spilaranum hér fyrir ofan.
Athugasemdir