„Virkilega sætt og frábært að ná í stig á móti Íslandsmeisturnum.'' segir Gunnar Magnús Jónsson, þjálfari Keflavíks, eftir mikilvægt 1-1 jafntefli gegn Val á heimavelli.
Lestu um leikinn: Keflavík 1 - 1 Valur
„Stelpurnar lögðu mikið á sig og þetta er risa stig fyrir okkur!''
Keflavík liggja í 8. sæti efitr þennan leik og eru lílegri í að halda sér áfram sæti í deildinni
„Eins og leikirnir fóru í dag þá tölfræðilega getum við ennþá fallið, Tindastóll er 3 stigum frá okkur, en við eigum þarna markatölur á þær,''
„En við erum ekkert að hugsa um það. Við eigum einn leik eftir og ætlum að klára mótið bara á þeim nótum sem að við erum búin að vera á undanfarið. Við höfum átt nokkra góða leiki í röð og við ætlum bara að halda því áfram með stæl.''
Það var mikill vindur í Keflavík og virtist hann hafa áhrif á mark Keflavíks í dag.
„Já vissulega, þetta var bara fín fyrirgjöf og hún þurti ekki að skalla neitt fast, en boltinn sveif þarna í góðan boga yfir. Það var vindur hérna hjá okkur í dag. Spurning líka með markið þeirra hvort að vindurinn hafði eitthvað að segja þar, það var geggjað mark hjá henni [Ída Marín Hermannsdóttir] og kannski vindurinn eitthvað aðeins hjálpað þar til.''
Keflavík eiga Þór/KA í sinn síðasta leik í tímabilinu og geta þær tryggt sér sæti áfram í Pepsi Max deildinni með stig í þann leik.
„Við förum í þann leik til þess að ná okkur stigi og þá erum við að gulltryggja okkur og það er ekkert annað sem kemur til greina hjá okkur''
Hægt er að horfa á allt viðtalið hér fyrir ofan
Athugasemdir