„Mér fannst við bara mjög góðir í dag og mættum tilbúnir í þennan leik. Við vissum alveg að veðrið yrði svona það var spáin og við ætluðum bara að leggja okkur fram og stjórna þeim hlutum sem við getum stjórnað.“
Sagði Jón Sveinsson þjálfari Fram við fréttaritara Fótbolta.net eftir 2-0 sigur hans manna gegn Grindavík í rokleik suður með sjó.
Sagði Jón Sveinsson þjálfari Fram við fréttaritara Fótbolta.net eftir 2-0 sigur hans manna gegn Grindavík í rokleik suður með sjó.
Lestu um leikinn: Grindavík 0 - 2 Fram
Sigurinn tryggir Fram sigur í Lengjudeildinni þetta árið en talsvert er síðan liðið tryggði sér sæti í Pepsi Max deildinni að ári. Fram er þó ekki markmiðalaust fram að lokum móts en liðið getur enn farið taplaust í gegnum deildina.
„VIð höfum ekkert annað markmið eftir. Fyrsta markmið var að vinna deildina og það var bara þannig að við settumst niður í vor eftir vonbrigðin í fyrra og ákváðum það að eina markmiðið sem við gátum sett í ár væri að vinna deildina. Það er komið núna og tveir leikir eftir sem við þurfum bara að ná að gíra okkur í og klára þetta með sæmd “
Fram sem hefur haft aðsetur í Safamýri undanfarin ár flytur á nýjan og glæsilegan heimavöll í Úlfarsárdal fyrir næsta tímabil og hefur leik í Pepsi Max þar.
„Það er frábært að fá tækifæri til þess að hefja kannski nýjan kafla í sögu þessa stóra fornfræga félags í efstu deild á nýjum velli. Ég held að það sé bara tilhlökkun hjá öllum sem í kringum þetta starfa að fara í það.“
Allt viðtalið við Jón má sjá hér að ofan.
Athugasemdir