Tveir síðustu leikir sjöttu umferðar enska úrvalsdeildartímabilsins fara fram í dag þar sem Brighton tekur á móti botnliði Leicester áður en Manchester United fær Arsenal í heimsókn í klassískum stórleik á Old Trafford.
Það ríkir mikil eftirvænting fyrir stórleikinn þar sem bæði lið hafa verið að gera góða hluti síðustu vikur. Arsenal er búið að vinna alla fimm fyrstu leiki úrvalsdeildartímabilsins á meðan Rauðu djöflarnir eru með þrjá sigra í röð eftir tvö slæm töp í fyrstu umferðunum.
Arsenal trónir á toppi deildarinnar og er með leik til góða á næstu lið. Lærisveinar Mikel Arteta geta komist í fjögurra stiga forystu á Englandsmeisturum Manchester City með sigri í dag. City menn eru með 14 stig eftir að hafa verið heppnir að ná jafntefli á útivelli gegn Aston Villa í gær.
Man Utd er með níu stig og getur því brúað bilið á milli sín og Arsenal niður í þrjú stig með sigri á heimavelli.
Það ríkir þó einnig eftirvænting fyrir leikinn í Brighton þar sem tvö áhugaverð lið mætast. Brighton er að spila skemmtilegan fótbolta og situr í fjórða sæti með tíu stig á meðan Leicester er óvænt á botninum eftir að hafa vanið sig á Evrópubaráttu undanfarin ár.
Leikir dagsins:
13:00 Brighton - Leicester
15:30 Man Utd - Arsenal
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 34 | 24 | 5 | 5 | 82 | 26 | +56 | 77 |
2 | Liverpool | 33 | 22 | 8 | 3 | 75 | 32 | +43 | 74 |
3 | Man City | 32 | 22 | 7 | 3 | 76 | 32 | +44 | 73 |
4 | Aston Villa | 34 | 20 | 6 | 8 | 71 | 50 | +21 | 66 |
5 | Tottenham | 32 | 18 | 6 | 8 | 65 | 49 | +16 | 60 |
6 | Newcastle | 32 | 15 | 5 | 12 | 69 | 52 | +17 | 50 |
7 | Man Utd | 32 | 15 | 5 | 12 | 47 | 48 | -1 | 50 |
8 | West Ham | 34 | 13 | 9 | 12 | 54 | 63 | -9 | 48 |
9 | Chelsea | 32 | 13 | 8 | 11 | 61 | 57 | +4 | 47 |
10 | Brighton | 32 | 11 | 11 | 10 | 52 | 50 | +2 | 44 |
11 | Wolves | 33 | 12 | 7 | 14 | 46 | 53 | -7 | 43 |
12 | Fulham | 34 | 12 | 6 | 16 | 50 | 54 | -4 | 42 |
13 | Bournemouth | 33 | 11 | 9 | 13 | 48 | 60 | -12 | 42 |
14 | Crystal Palace | 33 | 9 | 9 | 15 | 42 | 56 | -14 | 36 |
15 | Brentford | 34 | 9 | 8 | 17 | 52 | 59 | -7 | 35 |
16 | Everton | 33 | 10 | 8 | 15 | 34 | 48 | -14 | 30 |
17 | Nott. Forest | 34 | 7 | 9 | 18 | 42 | 60 | -18 | 26 |
18 | Luton | 34 | 6 | 7 | 21 | 47 | 75 | -28 | 25 |
19 | Burnley | 34 | 5 | 8 | 21 | 37 | 69 | -32 | 23 |
20 | Sheffield Utd | 33 | 3 | 7 | 23 | 31 | 88 | -57 | 16 |