Marcus Rashford skoraði tvö og lagði upp eitt í sigrinum í leik þar sem Arsenal var meira og minna að ráða ferðinni.

Arteta talaði um að Arsenal hafi fengið góð færi og verið nánast með öll völd á leiknum. Hann kvartaði yfir markinu sem var tekið af liðinu á 11. mínútu en var lítið í því að hrósa andstæðingnum.

Keane, sem er fyrrum leikmaður United, var í setti hjá Sky Sports, en hann segist vera kominn með nóg af afsökunum frá Arteta.

„Ég er kominn með upp í kok af þessum afsökunum hjá Arsenal og mér er alvara með þetta. Arteta fór í viðtal eftir leikinn, hlustið á það, því hann er tapsár eins og við hinir."

„Hann verður að gefa Manchester United smá hrós en hann gerir það aldrei. Ekki vera með þessar afsakanir. Hann tapaði leiknum 3-1."

„Þú getur tekið hrósið en mátt gefa mér stigin alla daga vikunnar," sagði Keane.