Ivan Toney kom Brentford í tveggja marka forystu í fyrri hálfleik en gestirnir áttu ótrúlega endurkomu í síðari hálfleik þar sem Scott Sinclair, fyrrum framherji Chelsea og Man City, skoraði tvennu.

Brad Potts og Sean Maguire gerðu svo út um viðureignina síðar í hálfleiknum. Þetta var fyrsti sigur Preston sem er komið með fjögur stig, rétt eins og Brentford.

Skömmu síðar gerði Stoke City jafntefli við Birmingham City.

Þar voru heimamenn betri aðilinn í tíðindalitlum leik en gestirnir tóku forystuna á 65. mínútu. Nick Powell jafnaði á lokakaflanum og er Stoke með fimm stig eftir fjórar umferðir. Þetta var þriðja jafntefli Birmingham í röð og er liðið með sex stig.

Brentford 2 - 4 Preston NE
1-0 Ivan Toney ('8 )
2-0 Ivan Toney ('43 )
2-1 Scott Sinclair ('52 )
2-2 Scott Sinclair ('60 )
2-3 Brad Potts ('63 )
2-4 Sean Maguire ('70 )

Stoke City 1 - 1 Birmingham
0-1 Harlee Dean ('65 )
1-1 Nick Powell ('86 )