Lestu um leikinn: Magni 3 -  4 Þór

Magnamenn fengu draumabyrjun þegar þeir komust yfir strax á fyrstu mínútu en lentu svo 1-3 undir en náðu að koma tilbaka og jafna í 3-3 áður en Þór náði að læða inn sigurmarkinu.
„Við missum aðeins hausinn þarna í fyrri hálfleik og fókusinn fór aðeins frá því þurftum að fókusera á í leiknum og það kostaði svolítið en við ákváðum bara að svara því vel í seinni hálfleik og gerðum það og komum vel tilbaka og mér fannst við nokkurnveginn vera með pínu tök á leiknum, við vissum alveg að það væru gæðamenn hinumeginn sem gætu skorað en það var svekkjandi." 

Kairo Edwards-John skoraði tvö mörk fyrir Magnamenn í leiknum en varð svo fyrir því óláni að klikka á vítaspyrnu á lokamínútum leiksins. 
„Hann er flottur strákur og búin að standa sig vel. Maður getur alltaf klúðrað víti alveg eins og maður getur alltaf skorað úr víti eða hvernig sem það er, hann var bara óheppin í dag."

Það bíður Magna blóðug barátta um síðasta lausa sætið en Sveinn Þór er bjartsýnn á framhaldið.
„Við erum bjartsýnir, það er bara næsti heimaleikur gegn Vestra hér eftir 6 daga og við undirbúum okkur vel núna í vikunni, verðum svekktir í kvöld en byrjum svo bara undirbúningin á morgun að gera okkur klára fyrir Vestra."