Alex Þór Hauksson og Ísak Óli Ólafsson gerðu góða hluti í skandínavíska boltanum í dag.
Alex Þór lék allan leikinn á miðjunni hjá Östers sem gerði 2-2 jafntefli við Brage í jöfnum leik í sænsku B-deildinni.
Liðin skiptust á að skora þar sem heimamenn í Brage tóku forystuna tvívegis og í seinna skiptið var það Alex Þór sem gerði jöfnunarmark Östers undir lok fyrri hálfleiks.
Ekkert var skorað í síðari hálfleik og niðurstaðan sanngjarnt 2-2 jafntefli þar sem Alex Þór tryggði sínum mönnum stig.
Östers er átta stigum frá toppbaráttu B-deildarinnar eftir leikinn.
Brage 2 - 2 Östers
1-0 L. Pllana ('13)
1-1 N. Mortensen ('31)
2-1 P. Hindrikes ('33)
2-2 Alex Þór Hauksson ('42)
Í Danmörku kom Ísak Óli Ólafsson inn af bekknum fyrir hinn meidda Rudi Pache eftir 30 mínútur er Esbjerg mætti HB Köge.
Staðan var markalaus í leikhlé en heimamenn komust yfir í upphafi síðari hálfleiks og gerðu út um viðureignina í uppbótartíma.
Esbjerg er um miðja deild eftir sigurinn, með 12 stig úr 11 umferðum.
Esbjerg 2 - 0 HB Köge
1-0 C. Ouzounidis ('55)
2-0 N. Jakobsen ('92)
Athugasemdir