Fjórir lykilmenn meistaraflokks kvenna hjá Stjörnunni hafa framlengt samninga sína við félagið eftir að hafa endað í fjórða sæti í Pepsi Max-deildinni.
Stjarnan lauk keppni með 27 stig úr 18 leikjum, aðeins tveimur stigum eftir Þrótti R. í þriðja sæti.
Varnarjaxlinn Ingibjörg Lúcía Ragnarsdóttir, fædd 1998, spilaði alla leiki Stjörnunnar í efstu deild í sumar rétt eins og Gyða Kristín Gunnarsdóttir, 2001, sem skoraði tvö mörk í leiðinni.
Þær skrifuðu báðar undir þriggja ára samninga rétt eins og tvær reyndari, Arna Dís Arnþórsdóttir fædd 1997 og Sóley Guðmundsdóttir fædd 1993 sem byrjaði aftur í knattspyrnu í sumar.
Þetta eru frábærar fréttir fyrir Garðbæinga sem stefna á að vera með gott kvennalið næstu árin.
Athugasemdir