Koeman er afar umdeildur þjálfari og meðal annars þekktur fyrir að vera beinskeyttur og opinn í viðtölum.

Koeman fer oft í viðtöl og var bókaður í ítarlegt viðtal í beinni útsendingu í Hollandi í landsleikjahlénu en hefur hætt við að mæta.

Fréttamaðurinn sem átti að ræða við Koeman hefur tjáð sig um málið.

„Þetta var allt klárt en allt í einu var honum bannað að mæta. Hann vildi mæta í þáttinn en svo tilkynnti Joan Laporta að hann mætti ekki ræða við fjölmiðla í Hollandi," sagði fréttamaðurinn Johnny de Mol.

Joan Laporta, forseti Börsunga sem er svipað umdeildur og Koeman, virðist vera að gera sig kláran til að reka Hollendinginn sem tók við stjórnartaumunum í ágúst 2020.