Mbappe staðfestir í viðtali við RMC Sport að hann vildi yfirgefa félagið um mitt sumar og gefa því svigrúm til að fá inn leikmann í sumar.

„Ég bað um að fá að fara því ég vildi ekki skrifa undir nýjan samning. Ég vildi að félagið gæti fengið eitthvað fyrir mig og keypt gæðaleikmann í staðinn," segir Mbappe.

„Þetta félag hefur fært mér mikið og ég hef alltaf verið ánægður. Ég tilkynnti þeim hug minn nægilega snemma svo félagið gæti brugðist við. Ég sagði þeim að ef þeir vildu ekki að ég færi þá yrði ég áfram út samninginn."

Mbappe segir ekki satt að hann hafi hafnað fjölda tilboða um nýjan samning hjá PSG og er reiður yfir þeim ásökunum að hann hafi bara reynt að koma sér til Real Madrid í lokaviku félagaskiptagluggans.

Leonardo íþróttastjóri PSG sakaði Real Madrid um óvirðingu en Mbappe segist hafa beðið um að fá að fara þegar hann kom aftur til starfa í júlí eftir sumarfrí í kjölfar þess að hafa spilað fyrir Frakkland á EM alls staðar.

„Fólk segir að ég hafi hafnað sex eða sjö tilboðum um nýjan samning, að ég vilji ekki tala við Leonardo. Það er enginn sannleikur í því. Ég tilkynnti nokkuð snemma að ég vildi fara. Ég er ekki hrifinn af fullyrðingum um að ég hafi komið í lokavikunni í ágúst. Það lætur mig líta út fyrir að vera þjófur," segir Mbappe.

Sjá einnig:
Benzema: Mbappe mun ganga til liðs við Real Madrid