Portúgalski þjálfarinn Jose Mourinho stýrði liði sínu, Roma, til sigurs gegn Empoli, 2-0, í ítölsku deildinni um helgina en hann hefur ekki tapað á heimavelli í deildinni í síðustu 42 leikjum.
Mourinho tók við Roma í sumar eftir að Paulo Fonseca var látinn taka poka sinn og hefur hann gert ótrúlega hluti með ítalska liðið.
Roma hefur unnið fimm af sjö leikjum sínum í deildinni og virðist hann vera að byggja upp ágætis hóp í Róm.
Liðið vann Empoli 2-0 og hefur nú Mourinho ekki tapað leik á heimavelli í Seríu A í síðustu 42 leikjum.
Hann hefur aðeins stýrt Roma í fjórum heimaleikjum og reyndar unnið alla en þá var hann einnig ósigraður er hann þjálfaði Inter frá 2008 til 2010.
Aðeins fengust tvö stig fyrir sigur fram að tímabilinu 1994/1995 þegar þrjú stig voru kynnt til leiks. Mourinho bætti metið í nýja fyrirkomulaginu.
42 - José #Mourinho stay unbeaten for 42 consecutive home Serie A games: establishing the record for a manager in the three points per win era (since 1994/95) in the Italian top-flight. Special.#RomaEmpoli pic.twitter.com/rNweIDB67o
— OptaPaolo 🏆 (@OptaPaolo) October 3, 2021
Athugasemdir