Kevin Trapp, markvörður Eintracht Frankfurt, þurfti að taka á stóra sínum er liðið vann Þýskalandsmeistara Bayern München í þýsku deildinni í gær.
Staðan var 1-1 í leiknum og var síðari hálfleikurinn hafinn er Bayern fékk góða sókn. Það kom glæsileg fyrirgjöf frá Niklas Süle og var Robert Lewandowski einn og óvaldaður í teignum.
Það virtist hreinlega ómögulegt fyrir hann að skora ekki en Trapp sá við honum með því að stinga hægri fætinum út. Stórkostleg björgun á augnabliki sem hefði getað verið vendipunktur leiksins.
Hægt er að sjá vörsluna hér fyrir neðan.
Athugasemdir