Egypski sóknarmaðurinn Mohamed Salah var á allra vörum eftir 2-2 jafntefli Liverpool og Manchester City í gær en hann skoraði einkar fallegt mark í leiknum.
Hann fór illa með þrjá varnarmenn City áður en hann skoraði framhjá Ederson í markinu og þá lagði hann einnig upp fyrra mark liðsins.
Þetta var sjöundi leikurinn í röð í öllum keppnum sem hann skorar fyrir Liverpool.
Þetta er í annað sinn sem honum tekst að skora sjö leiki í röð fyrir Liverpool en hann gerði það síðast árið 2018. Hann á því möguleika á að bæta metið eftir landsleikjafríið.
Salah er kominn með 9 mörk í 9 leikjum í öllum keppnum á þessari leiktíð.
Athugasemdir