banner
   mán 04. nóvember 2019 16:28
Elvar Geir Magnússon
Heimild: Íslendingavaktin 
Rússland: Markaþurrð hjá Viðari
Landsliðsmaðurinn Viðar Örn Kjartansson.
Landsliðsmaðurinn Viðar Örn Kjartansson.
Mynd: Fótbolti.net - Hafliði Breiðfjörð
Viðar Örn Kjartansson var í fremstu víglínu hjá Rubin Kazan sem gerði markalaust jafntefli á útivelli gegn Krylia Sovetov Samara í rússnesku úrvalsdeildinni í dag.

Rubin Kazan er í 11. sæti, tveimur stigum frá fallsvæðinu, þegar fimmtán umferðum er lokið.

Fram kemur á Íslendingavaktinni að Viðar hafi fengið nokkur góð færi í leiknum.

Íslenski sóknarmaðurinn hefur aðeins skorað eitt mark í 13 deildarleikjum á leiktíðinni. Eina markið kom í lok júlímánaðar og því rúmir þrír mánuðir frá síðasta marki.

Viðar gekk til liðs við Rubin Kazan um mitt ár frá Rostov á lánssamningi sem gildir út leiktíðina, en hann lék fyrri hluta árs með Hammarby þar sem hann skoraði 7 mörk í 15 deildarleikjum í sænsku úrvalsdeildinni.
Athugasemdir
banner
banner
banner