Markvörðurinn Diogo Costa hefur skrifað undir nýjan samning við Porto en hann gildir til ársins 2027.
Samkvæmt heimildum Fabrizio Romano er klásúla í samningnum hans að ef það kemur tilboð upp á 75 milljónir evra verði Porto að samþykkja það.
Costa er 23 ára gamall Portúgali en hann hefur vakið mikla athygli fyrir frammistöðu sína með Porto í Meistaradeildinni á þessari leiktíð. Liðið vann sinn riðil og hann varði m.a. tvær vitaspyrnur í lokaumferðinni.
Hann er uppalinn í Porto og lék sinn fyrsta leik fyrir félagið árið 2019. Hann á sjö leiki að baki með portúgalska landsliðinu.
Athugasemdir