Rúnar Kristinsson, þjálfari KR, var ekki viðstaddur því hann er erlendis á þjálfararáðstefnu. Aron Bjarki segist vera ánægður með að leikskipulagið hafa gengið upp án hans.

„Þetta var þokkalegasti leikur. Tvö góð lið og ágætis kraftur í þessu," sagði Aron.

„Það var svekkjandi að fá þetta mark á sig undir lokin en það var mikið af ungum leikmönnum inná og þetta bara gerist, við lærum af þessu."

Aron segist spenntur fyrir síðasta leik Bose mótsins, sem verður gegn FH upp á 5. sætið.

Hann bætir svo við að KR-ingar fari í tveggja vikna jólafrí 18. desember.