40 greindust með kórónuveiruna í ensku úrvalsdeildinni í skimunum hjá leikmönnum og þjálfurum í deildinni.
2295 leikmenn og þjálfarar fóru í kórónuveirupróf og smitin reyndust vera 40. 28 greindust smitaðir í prófum sem fóru fram 28-31. desember og 12 í prófum 1-3. janúar.
2295 leikmenn og þjálfarar fóru í kórónuveirupróf og smitin reyndust vera 40. 28 greindust smitaðir í prófum sem fóru fram 28-31. desember og 12 í prófum 1-3. janúar.
Það er gríðarleg aukning frá því í þarsíðustu viku þegar 18 smit greindust. Sú vika hafði verið með hæstu smittöluna hingað til á tímabilinu.
Hópsmit varð hjá Fulham í síðustu viku og fresta þurfti tveimur leikjum þeirra. Þá greindust nokkrir leikmenn og starfsmenn Manchester City með veiruna.
Kórónuveirufaraldurinn hefur verið í miklum vexti í Englandi en búið er að setja á útgöngubann þar í landi. Keppni í ensku úrvalsdeildinni mun þó halda áfram.
Athugasemdir
