Ægir frá Þorlákshöfn hefur staðfest að Bjarki Rúnar Jónínuson gerir tveggja ára samning við félagið.
Bjarki Rúnar var lykilmaður í liði Hamars í 4. deild áður en nágrannarnir frá Þorlákshöfn kræktu í hann. Hann hefur reynst Ægismönnum vel í 2. deild og verður áfram hjá félaginu.
Ægir var spútnik lið síðasta tímabils í 2. deildinni en mistókst að fara upp í Lengjudeildina - sem hefði verið saga til næsta bæjar. Þá komst Ægir óvænt alla leið í 8-liða úrslit Mjólkurbikarsins.
„Það er mikil spenna fyrir komandi tímabili innan liðsins og hópurinn farinn að taka á sig nokkuð skýra mynd," segir meðal annars í tilkynningu frá Ægi.
Athugasemdir
