fim 05. mars 2020 18:39
Brynjar Ingi Erluson
Calvert-Lewin að framlengja við Everton
Dominic Calvert-Lewin er að fá nýjan samning hjá Everton
Dominic Calvert-Lewin er að fá nýjan samning hjá Everton
Mynd: Getty Images
Enski framherjinn Dominic Calvert-Lewin mun framlengja samning sinn við Everton til ársins 2025 en þetta kemur fram í The Times í dag.

Calvert-Lewin er 22 ára gamall og kom til félagsins árið 2016 frá Sheffield United en hann hefur spilað stóra rullu í liðinu á þessu tímabili.

Hann hefur skorað 15 mörk í 31 leik í öllum keppnum og er alger lykilmaður í liðinu.

Framherjinn mun skrifa undir nýjan samning við Everton á næstu dögum en samningurinn mun gilda til ársins 2025.

Mason Holgate skrifaði undir fimm ára samning við Everton á dögunum.

Everton er í 11. sæti og aðeins fimm stigum frá fimmta sætinu.
Athugasemdir
banner
banner