Ítalska félagið Juventus hefur mikinn áhuga á því að fá Kaio Jorge, leikmann Santos í Brasilíu, til félagsins í sumar.
Kaio Jorge er 18 ára gamall en hann var í sigurliði U17 ára landsliðsins sem vann HM á síðasta ári. Hann gerði þar fimm mörk í keppninni og skoraði meðal annars í úrslitaleiknum gegn Mexíkó.
Hann er samningsbundinn Santos og hefur vakið áhuga margra öflugustu liða Evrópu.
Hann er með 50 milljón evra riftunarákvæði í samningnum og er ítalska félagið Juventus alvarlega að íhuga að festa kaup á honum í sumar.
Jorge kom við sögu í 21 mínútu í 2-1 sigri á Defensa í Libertadores-bikarnum á dögunum en hann skoraði sigurmark Santos í leiknum.
Athugasemdir