Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 05. apríl 2020 11:00
Ívan Guðjón Baldursson
Hvítrússneska deildin að selja tíu nýja sjónvarpssamninga
Mynd: Getty Images
Mynd: Fótbolti.net - Hafliði Breiðfjörð
Hvítrússar virðast vera í afneitun varðandi kórónuveiruna og heldur venjulegt líf fólks áfram.

Efsta deild í Hvíta-Rússlandi er ein af fáum sem er enn í gangi í heiminum og hefur knattspyrnumönnum verið bannað að tala við erlenda fjölmiðla.

Belgíski miðjumaðurinn Danilo, sem er á mála hjá Dinamo Minsk, tjáði sig þó við fjölmiðla á dögunum og sagði að leikmenn væru prófaðir daglega. Hann segir að fyllstu varúðar sé gætt til að halda leikmönnum heilbrigðum.

Þetta hefur orðið til þess að rekstur hvítrússnesku deildarinnar er að blómstra. Deildin er að semja um tíu nýja sjónvarpssamninga þar sem fótboltaþyrstir knattspyrnuunnendur víða um heim leita sér dægrastyttingar.

Hvítrússneski boltinn verður því meðal annars sýndur í Rússlandi, Úkraínu, Ísrael og á Indlandi ef samningar nást. Hvítrússneska deildin er almennt talin hundleiðinleg þar sem afar lítið er um markaskorun.

Willum Þór Willumsson leikur fyrir eitt af stærstu félögum Hvíta-Rússlands, BATE Borisov.
Athugasemdir
banner
banner
banner