Reykjavíkurborg hafnaði ósk KSÍ um fjárhagslega þátttöku í kostnaði við fyrirhugaðan umspilsleik gegn Rúmenum sem átti að fara fram í mars síðastliðnum.
Liðin áttu að mætast í umspili fyrir EM en leikurinn fór ekki fram vegna kórónaveirunnar.
Liðin áttu að mætast í umspili fyrir EM en leikurinn fór ekki fram vegna kórónaveirunnar.
Vinna hafði staðið yfir í allan vetur við að hafa völlinn leikfæran og kostnaðaráætlun hljóðaði upp á 64 milljónir króna. Þar sem leiknum var frestað rúmlega viku áður en hann átti að fara fram þá lækkaði kostnaðurinn um einhverjar milljónir.
Guðni Bergsson formaður KSÍ greindi frá því á síðasta stjórnarfundi að að Reykjavíkurborg hafi hafnað ósk KSÍ um fjárhagslega þátttöku í kostnaði við leikinn.
Á sama fundi greindi Guðni frá því að Reykjavíkurborg hefur skipað starfshóp til að endurskoða samning um rekstur Laugardalsvallar.
Guðni fór einnig yfir nýjustu fréttir af þjóðarleikvangi. Framundan er greiningarvinna á sviðsmyndum um nýjan þjóðarleikvang.
Smelltu hér til að lesa skýrsluna af síðasta stjórnarfundi
Athugasemdir