"Þetta var skrítin byrjun. Það komu tvö skot á markið og við vorum lentir 2-0 undir," sagði Brynjar Björn Gunnarsson, þjálfari HK, eftir tapið gegn Selfossi í kvöld.
Lestu um leikinn: HK 2 - 3 Selfoss
"Við gerðum vel að jafna leikinn fljótt og þá var þetta leikur aftur og nóg eftir. Við sóttum meira í seinni hálfleik og fengum ágætis möguleika til að skora en við nýttum þau tækifæri ekki nógu vel."
HK-ingar lentu í áföllum í leiknum en þeir Valgeir Valgeirsson, Arnþór Ari og Ásgeir Marteinsson og Bjarni Gunnarsson fóru allir meiddir af velli í leiknum.
"Ég hef ekki áhyggjur. Það er alltaf vont að missa menn útaf. Ég held þetta séu ekki þannig meiðsli að þeir verði lengi frá. Þetta eru 2-3 dagar frá og það er vika í næsta leik. En vissulega er óþægilegt að þurfa að hræra svona mikið í liðinu."
HK hefur samið við brasilíska miðvörðinn Bruna Soaressem bíður eftir leikheimild með liðinu. Brynjar telur líklegt að fleiri leikmenn bætist við áður en félagaskiptaglugginn lokar.
"Já það er alveg möguleiki á að við bætum við 1-2 leikmönnum. Maður er alltaf að leita að góðum leikmönnum og ef það kemur eitthvað upp á borðið skoðum við það."