Kristrún í leiknum í dag.
„Fyrstu viðbrögð eru vonbrigði. Hrikalega sárt að fá á sig mark í uppbótartíma en ég er hrikaleg stolt af mínum stelpum. Vorum fullar af sjálfstrausti og spiluðum flottan fótbolta og við áttum sannarlega eitthvað skilið úr þessum leik." Þetta segir Kristrún Lilja Daðadóttir eftir grátlegt 3-2 tap gegn Víkingum í fyrstu umferð Lengjudeildar kvenna.
Lestu um leikinn: Víkingur R. 3 - 2 Augnablik
„Að skora fyrsta markið svona snemma var geggjað og gaf okkur sjálfstraust að halda áfram og þetta var mjög flott" Segir Kristrún þegar hún er spurð um hvað henni fannst um fyrsta mark Augnabliks sem kom á upphafssekúndum leiksins.
Augnablik voru hættulegar í skyndisóknum í dag og Kristrún hafði þetta um það að segja: „Við vorum aðeins búnar að reyna að vera lesa aðeins inn á þær en vissum líka að liðið hjá þeim er breytt og nýjir leikmenn komnir inn en við vissum af möguleikum sem við gátum nýtt okkur"
Víkingur skoraði sigurmarkið í uppbótartíma og Kristrún hafði þetta að segja um það mark: „Þetta var ógeðslega fúlt en við tökum þessa frammistöðu með okkur út í mótið. Okkur er spáð neðsta sæti og við ætlum ekki að láta þetta vera neitt auðvelt fyrir liðin sem mæta okkur en við erum að læra og þurfum að læra hratt en við sýndum það í dag að allir þurfa að óttast okkur."
Viðtalið er í heild sinni hér að ofan.
Athugasemdir
