„Hann hefur ekki getað æft með okkur. Það eru bara tvær vikur eftir af tímabilinu og ég er ekki viss um að hann komi aftur fyrir það," segir Conte.

Á fréttamannafundinum var Conte spurður að því hvort Dejan Kulusevski sem hefur heillað á láni frá Juventus muni ganga alfarið í raðir Tottenham. Sænski vængmaðurinn kom á 18 mánaða lánssamningi í janúarglugganum fyrir 8,3 milljónir punda með möguleika á kaupum fyrir 29,2 milljónir punda.

„Hann er á láni en samt er hann 100% Tottenham leikmaður að öllu leyti. Ekki opinberlega en hann er 100% leikmaður Tottenham," segir Conte.