Arnar Þór Viðarsson landsliðsþjálfari.
Landsliðsþjálfarinn Arnar Þór Viðarsson viðurkennir í viðtali við mbl.is að frammistaða Íslands í 1-0 útisigrinum gegn Færeyjum í gær hafi ekki verið góð.
Mikael Anderson skoraði eina mark leiksins í seinni hálfleik en stóran hluta leiksins var færeyska liðið einfaldlega betra.
Mikael Anderson skoraði eina mark leiksins í seinni hálfleik en stóran hluta leiksins var færeyska liðið einfaldlega betra.
„Við gerum okkur allir grein fyrir því að þetta var ekki gott og Færeyingarnir voru betri en við í kvöld að mörgu leyti. Okkur tókst þó að sigla þessum sigri heim með ákveðinni seiglu. Það má segja að liðið hafi spilað frábærlega í Dallas en tapað, en náð í úrslit í kvöld. Vonandi getum við náð þessu hvoru tveggja í Póllandi á þriðudaginn," segir Arnar.
„Við erum ennþá að kynna okkar hugmyndafræði fyrir leikmönnunum og við horfum á þetta sem uppbyggingu til lengri tíma. Yngri leikmenn eru að koma inn í liðið og fá tækifæri og okkur fannst mikilvægt að nýir menn sem fengu tækifæri gegn Mexíkó fengju að spila aftur í dag. Það skiptir miklu máli að fá að spila tvo leiki í röð því þá reynir meira á menn. Stundum er auðvelt að spila fyrsta leikinn en svo getur sá næsti verið erfiðari, ásamt því að þá kemur þreyta eftir ferðalag líka inn í spilið. Það er því mikil reynsla fyrir þá að fá tvo leiki í röð. Nú þurfum við leikgreina leikina og frammistöðuna og læra af þessu."
Íslenska liðið heldur nú til Póllands þar sem leikið verður gegn heimamönnum á þriðjudag. Leikurinn hefst klukkan 16:00 að íslenskum tíma.
Athugasemdir
