Það er mikið í gangi í fótboltanum og nóg að ræða í útvarpsþættinum Fótbolti.net á X977 í dag, milli 12 og 14.
Elvar Geir og Tómas Þór verða á sínum stað og fara yfir landsleik Færeyja og Íslands í upphafi þáttar.
Elvar Geir og Tómas Þór verða á sínum stað og fara yfir landsleik Færeyja og Íslands í upphafi þáttar.
Gestur þáttarins er Freyr Alexandersson sem er nýkominn frá Katar þar sem hann var aðstoðarmaður Heimis Hallgrímssonar með Al Arabi.
Freysi ræðir um veruna á Arabíuskaganum og ræðir einnig um Pepsi Max-deildina og spáir í spilin fyrir Evrópumót landsliða sem hefst 11. júní.
Þá verður rætt um tilnefningar á besta leikmanni fyrsta þriðjungs Pepsi Max-deildarinnar og farið ofan í fimmtu umferð Lengjudeildarinnar.
Útvarpsþátturinn Fótbolti.net er á X-inu alla laugardaga kl. 12-14. Umsjónarmenn þáttarins eru Tómas Þór Þórðarson og Elvar Geir Magnússon. Hægt er að finna þá á X samfélagsmiðlinum undir @tomthordarson og @elvargeir.
Smelltu hér til að hlusta á upptökur úr eldri þáttum.
Þú getur hlustað á X-ið á netinu með því að smella hérna
Athugasemdir