Enski landsliðsmaðurinn Jordan Henderson hefur verið að kljást við meiðsli á nára. Hann missti af æfingaleik liðsins gegn Austurríki á miðvikudaginn.
Hann átti að taka þátt í leiknum gegn Austurríki en fann fyrir einhverjum óþægindum um morguninn og var ákveðið að hann myndi ekki spila gegn Austurríki.
Henderson er hinsvegar farinn að æfa af fullum krafti og er búist við því að hann muni taka þátt í síðasta æfingaleik liðsins fyrir EM gegn Rúmeníu á morgun.
Englendingar eru með Króötum, Skotum og Tékkum í riðli á EM og fyrsti leikur þeirra er gegn Króötum sunnudaginn 13. júní.
Athugasemdir
