Landsliðskonan Karólína Lea Vilhjálmsdóttir getur orðið þýskur meistari í fótbolta á morgun.
Karólína gekk í raðir Bayern München í janúar á þessu ári og hefur hún spilað fimm leiki með liðinu í þýsku úrvalsdeildinni á þessari leiktíð.
Bayern hefur átt frábært tímabil og unnið 19 leiki af 21. Fyrir lokaumferðina er Bayern með tveggja stiga forystu á Wolfsburg sem er í öðru sæti.
Bayern á heimaleik við Eintracht Frankfurt á morgun á meðan Wolfsburg mætir Werder Bremen. Það er athyglisvert að besta vinkona Karólínu, Alexandra Jóhannsdóttir, spilar með Frankfurt.
Leikurinn hefst klukkan 12:00 og verður sýndur í beinni útsendingu á Viaplay.
Karólína er ein okkar öflugasta fótboltakona en viðtal við hana má lesa hérna.
Athugasemdir