Varalið Dortmund tryggði sér sæti í þriðju efstu deild í Þýskalandi í dag. Kolbeinn Birgir Finnsson leikur með liðinu.
Liðið vann Regionalliga West deildina í dag þegar það vann Wuppertaler 2-1 í lokaumferðinni.
Wuppertaler voru yfir þegar flautað var til hálfleiks en Dortmund jafnaði metin strax í upphafi síðari hálfleiks og komst svo yfir á lokamínútu leiksins. Kolbeinn lék allan leikinn í dag.
Liðið endaði með 93 stig, þremur stigum á undan Essen. Liðið tapaði eingöngu einum leik.
Hann kom til liðsins frá Brentford árið 2019 eftir að hafa verið á láni hjá uppeldisfélaginu sínu Fylki um sumarið. Hann er með samning út næsta tímabil hjá Dortmund.
Fagnaðarlæti Dortmund eftir leikinn í dag má sjá hér að neðan:
🖤 JAAAAA!!! 💛
— POKALSIEGER 2021 (@BVB) June 5, 2021
Die #BVBU23 ist Meister der Regionalliga West 2020/21! 🏆 pic.twitter.com/HRsA3VX5g0
Athugasemdir