Daníel Leó Grétarsson gekk til liðs við Slask Wroclaw í Póllandi í janúar frá Blackpool.
Hann fór til að spila fleiri leiki en rifbeinsbrot setti strik í reikninginn. Fótbolti.net ræddi við hann í gær.
„Mér líður mjög vel og fjölskyldunni líka. Ég fór því ég vildi spila meira, ég var ekki að fá nógu mikinn spiltíma hjá Blackpool. Ég spila nokkra leiki en rifbeinsbrotna í fyrsta leik eftir síðasta landsleikjahlé."
Hann er staðráðinn í að koma sterkari til baka á næstu leiktíð.
„Ég náði ekki eins mörgum leikjum og ég hélt, náði síðasta leiknum á tímabilinu fyrir landsleikjahléið og vonandi næ ég fleiri leikjum á næsta tímabili,"
Daníel er í íslenska landsliðishópnum um þessar mundir en liðið mætir Albaníu í Þjóðadeildinni á Laugardalsvelli á morgun. Daníel lék allan leikinn gegn Ísrael á fimmtudaginn síðastliðinn.