Garnacho, sem er 17 ára gamall, hefur verið að gera góða hluti hjá unglingaliði Manchester United, en hann átti stóran þátt í því er U18 ára liðið vann enska bikarinn á dögunum.

Hann þykir með efnilegustu leikmönnum félagsins og spilaði meðal annars fyrstu tvo leiki sína fyrir aðalliðið í ensku úrvalsdeildinni undir lok tímabilsins.

Garnacho skoraði frábært aukaspyrnumark fyrir U20 ára landslið Argentínu í gær í 6-2 tapi gegn Frakklandi í Toulon-mótinu en það má sjá hér fyrir neðan.