Spence er núna mjög eftirsóttur eftir gífurlega flott tímabil með Nottingham Forest í Championship-deildinni, næst efstu deild Englands.

Einhvern veginn tókst Middlesbrough ekki að finna pláss fyrir hann í liðinu sínu og því var hann lánaður til Forest.

Þar sló hann í gegn og hjálpaði hann liðinu að vinna sér sæti í ensku úrvalsdeildinni. Á meðan komst Middlesbrough ekki einu sinni í umspilið.

Forest vill kaupa hann en Tottenham telur sig vera að vinna baráttuna um þennan efnilega bakvörð.

Það er sagt að Forest sé að skoða aðra bakverði. Issa Kabore, bakvörður Man City, gæti komið á láni ef Spence endar í Spurs.