Neymar liggur í leiknum gegn Mexíkó.
Svissnesk sjónvarpsstöð hefur reiknað út að brasilíski leikmaðurinn Neymar hafi samanlagt legið á grasinu í tæplega fjórtán mínútur í leikjum á HM í Rússlandi.
Margir hafa gagnrýnt Neymar fyrir að ýkja meiðsli eftir tæklingar en hann hefur legið mikið í grasinu.
Brasilía hefur spilað fjóra leiki á mótinu og samkvæmt útreikningum svissnesku sjónvarpsstöðvarinnar hefur Neymar legið í 13 mínútur og 50 sekúndur.
Fyrrum brasilíski landsliðsmaðurinn Ronaldo hefur komið landa sínum til varnar.
„Ef fólk myndi sparka ítrekað í mig þá myndi ég telja það vera ósanngjarnt. Þessi gagnrýni er bara kjaftæði. Sjónvarpsstöðvar og dagblöð vilja bara fylla upp í dagskrána," sagði Ronaldo.
Athugasemdir
