Torreira er 22 ára og talið að Arsenal muni borga Sampdoria um 26 milljónir punda fyrir leikmanninn sem lék feykilega vel á síðasta tímabili í ítölsku A-deildinni.

Mörgum leikmönnum frá Suður-Ameríku hefur mistekist að fóta sig í ensku úrvalsdeildinni og Ricardo Torreira, pabbi leikmannsins, segir að menn séu búnir undir allt annað umhverfi.

Pabbinn segir í viðtali við úrúgvæska útvarpsstöð að fólk í kringum leikmanninn, þar á meðal hann sjálfur, muni gera allt sem það getur til að hjálpa honum að aðlagast.

„Hann mun fá mikinn stuðning og félagsskap. Hann verður ekki einn. Það er stórt tækifæri að fara til Englands og við viljum ekki hugsa of mikið um það núna því það er ógnvekjandi," segir pabbinn.

„Það er erfitt að ná tungumálinu, aðlagast menningunni og hefðum í London án þess að tapa okkar. En það er prógramm tilbúið fyrir Lucas."